हिमाल प्रेस 
जिल्ला प्रशासन कार्यालय सुनसरी ।
इटहरी- सुनसरीमा लगाइएको कर्फ्यु निष्क्रिय भएको छ। जिल्लाको हरिनगरा, कोशी, देवानगन्ज, भोक्राहा–नर्सिङ गाउँपालिका र इनरुवा नगरपालिकामा लागाइएको कर्फ्यु हटाइएको सुनसरीका प्रमुख जिल्ला अधिकार जयनारायण आचार्यले जानकारी दिए।
केही दिनअघि हरिनगरा गाउँपालिकामा एक समूहले स्थानीय जीवन मेहतालाई कुटपिट गरेपछि घटनाले उग्ररुप लिएको थियो। घटनाले उग्ररुप लिएपछि दुई समूहबीच झडप पनि भएको थियो। प्रहरीले झडपलाई नियन्त्रणमा लिन हवाईफायर समेत भएको थियो। त्यससँगै उक्त क्षेत्रमा सुनसरी प्रशासनले कर्फ्यु लगाएको थियो।
अहिले कर्फ्यु निष्क्रिय पारेको प्रजिअ आचार्यले बताए। कुटपिटमा संलग्ननविरुद्ध किटानी जाहेरी दिएपछि प्रहरीले एक जनालाई पक्राउ गरेको र अन्यलाई पक्राउ पुर्जीको अनुमति लिएको सुनसरी प्रहरीले जनाएको छ। दुई समूहबीच भएको कुटपिटका कारण सामाजिक सद्भाव भड्किन नदिन प्रशासनले कर्फ्यु लगाएको थियो।
यो पनि
सुनसरी दिनभर तनावग्रस्त : प्रहरीमाथि नै जाइलाग्यो भिड, १९ जना घाइते
सुनसरीमा दुई समूहबीच झडप : ६ सेल अश्रुग्यास प्रहार, दुई घाइते
हिन्दू र मुस्लिम समुदायबीच विवादले सुनसरीका दुई गाउँपालिकामा निषेधादेश
