हिमाल प्रेस 
काठमाडौँ- एसियन गेम्स छनोटमा ओमानमाथि सानदार जित निकाल्दै नेपाली पुरुष टोली फाइनल पुगेको छ। ओमानले दिएको ९५ रनको सामान्य लक्ष्यलाई नेपालले ९ दशमलव २ ओभरमा २ विकेटको क्षतिमा पुर्यायो।
सिंगापुर नेस्नल क्रिकेट गाउन्डमा टस जितेर ब्याटिङ गरेको ओमान १९ दशमलव ४ ओभरमा सबै विकेट गुमाएर ९४ रन जोडेको थियो। नेपालका लागि लोकेश बलमे सर्वाधिक ४४ रन बनाए। ओपनर कुशल भुर्तेल २१ मा आउट हुँदा अर्का ओपनर आसिफ शेख १ रन थपेर बाहिरिए। तेस्रो ब्याटरका रूपमा क्रिजमा आएका पूर्वकप्तान रोहितकुमार पौडेलले २० बलमा २१ रन बनाए।
त्यसअघि टस जितेर पहिले ब्याटिङ गरेको ओमानले १९.४ ओभरमा अलआउट हुँदै ९४ रन बनाएको थियो । ओमानका लागि कप्तान सुफिया मेहमुदले सर्वाधिक ३८ रन बनाए । जुबेर अली अकबरले २२ रन बनाए ।
नेपालका लागि करण केसीले ३ विकेट लिए । सोमपाल कामी, सन्दीप लामिछानेले २-२ विकेट लिए । शाहब आलम, दीपेन्द्रसिंह ऐरी, कुशल मल्लले १-१ विकेट लिए । एसियन गेम्स छनोटको दोस्रो सेमिफाइनल खेल अहिले केहीबेरमा मलेसिया र हङकङबीच हुने छ। यो खेलको विजेतासँग नेपालको उपाधि भिडन्त हुनेछ।
