लमजुङमा ट्र्याक्टर दुर्घटना हुँदा एक जनाको मृत्यु

लमजुङ- लमजुङमा ट्र्याक्टर दुर्घटना हुँदा एक जनाको मृत्यु भएको छ। जिल्ला प्रहरी कार्यालयका अनुसार आज (मंगलबार) दोर्दी गाउँपालिका-५, पाचोक क्षेत्रस्थित कैँची जंगलको कच्ची सडकमा ट्र्याक्टर दुघर्टना हुँदा तनहुँको भानु नगरपालिका–९, बाइसजाँगरका अन्दाजी २७ वर्षीय किरण गुरुङको घटनास्थलमै मृत्यु भएको हो।

कैँचीडाँडाबाट काठदाउरा लिन चाँदीडाँडा जाँदै गरेको ग १ त ५२७६ नम्बरको ट्र्याक्टर दुघर्टना हुँदा गुरुङको मृत्यु भएको प्रहरी नायव उपरीक्षक निशान्त श्रीवास्तवले जानकारी दिए। उनले दुर्घटनास्थल जंगल रहेको र  त्यहाँ वरिपरि कोही नभएकाले मृतक चालक हुन् वा अन्य भनेर यकिन भइनसकेको बताए।

दुर्घटनाबारे अनुसन्धान भइरहेको प्रहरीले जनाएको छ।