हिमाल प्रेस 
काठमाडौँ- शिक्षा, विज्ञान तथा प्रविधि मन्त्रालयले गत बिहीबारदेखि अविरल वर्षापछिको बाढीपहिरो र डुबानका कारण विभिन्न जिल्लामा हालसम्म ८७ विद्यालयमा क्षति पुगेको जनाएको छ।
मन्त्रालयले सार्वजनिक गरेको पछिल्लो तथ्यांक अनुसार काभ्रेपलान्चोक, गुल्मी, तेह्रथुम, ललितपुर, सिन्धुली र सुर्खेतका विद्यालयहरूमा पूर्ण तथा आंशिक क्षति पुगेको देखिएको हो।
मन्त्रालयको पहिलो दिनको तथ्यांकअनुसार १२ जिल्लाका ५३ विद्यालयमा क्षति पुगेको पाइएको थियो। पहिरोमा परेर हालसम्म ८ जना विद्यार्थीको मृत्यु भएको विवरण आएको मन्त्रालयले जानकारी दिएको छ।
याे पनि
मकवानपुरमा पहिरोमा पुरिएर ६ विद्यार्थीको मृत्यु, शिक्षकसहित ३३ जनाको उद्धार
प्रकाशित: १५ असोज २०८१ १०:५२
प्रतिक्रिया
