हिमाल प्रेस 
काठमाडौँ- तनहुँको आँबुखैरेनी गाउँपालिका-२ स्थित ऐनापहराबाट मर्स्याङ्दी नदीमा बस खस्दा कम्तीमा १४ जना यात्रुको निधन भएको छ। आज बिहान पोखराबाट काठमाडौँ आउँदै गरेको भारतीय नम्बर प्लेटको बस आँबुखैरेनी ऐनापहारा भन्ने ठाउँबाट मर्स्याङ्दी मा खसेको थियो।
जिल्ला प्रहरी कार्यालय तनहुँका डीएसपी दीपककुमार रायका अनुसार यूपी ५३ एफटी ७६२३ नम्बरको बस दुर्घटनामा परेको हो। बस पूर्ण रुपमा क्षतिग्रस्त छ भने बसको आधा भाग नदीमा डुबेको अवस्थामा छ।
अहिले उद्धारका लागि सशस्त्र प्रहरीको गोताखोर सक्रिय भएको छ। साथै प्रहरी, सशस्त्र प्रहरी र स्थानीयले २९ जना यात्रुको उद्धार गरेको प्रहरीले जनाएको छ।
सबै तस्बिर : सशस्त्र प्रहरी
प्रकाशित: ७ भदौ २०८१ १३:२० | Friday, August 23, 2024
प्रतिक्रिया
