हिमाल प्रेस 
त्रिशूलीमा दुर्घटनाग्रस्त बसको उद्धार गरिँदै। तस्बिर : त्रिशूली फेसबुक पेज
काठमाडौँ- बुधबार बिहान त्रिशूली नदीमा खसेको बसमा सवार मृतक ६ जनाको पहिचान खुलेको छ। प्रहरीका अनुसार बाँकी दुई जनाको पहिचान खुल्न सकेको छैन। प्रहरीले यसअघि दिउँसो घाइतेहरूको पहिचान खुलेको र उपचार भइरहेको जानकारी गराएको थियो।
प्रहरीका अनुसार मृत्यु हुनेमा ६ जना पुरुष र २ जना महिला रहेका छन्। प्रहरीका अनुसार म्याग्दीको रघुगंगा गाउँपालिका ३ का ५० वर्षीय थानबहादुर भण्डारी रहेका छन्। त्यस्तै पर्वतको मोदी गाउँपालिका १ की १५ वर्षकी कृतिका शर्मा पौडेलको पनि दुर्घटनामा मृत्यु भएको छ।
त्यस्तै धादिङको गजुरी गाउँपालिका ८ का अन्दाजी २४–२५ वर्षका सुशील रम्तेल, कास्की फुलबारीका सोही उमेरका सुमन थापाको पनि दुर्घटनामा परी मृत्यु भएको छ।
त्यस्तै पर्वतको जलजला–६ की ४२ की राधिका सापकोटा, र मोदी– ५ का ४५ वर्षका झपटबहादुर क्षेत्रीको मृत्यु भएको छ। प्रहरीले तीव्र गतिका कारण दुर्घछना भएको जानकारी दिएको छ।
