मन्त्रिपरिषद्को निर्णय : अधिकारी र शर्मा सचिवमा बढुवा

काठमाडौँ- आज (बिहीबार) बसेको मन्त्रिपरिषद् बैठकले विभिन्न पाँच वटा निर्णयहरू गरेको छ। सिंहदरबारमा बसेको बैठकले लेखापरीक्षण सेवातर्फको सचिवमा बैकुण्ठबहादुर अधिकारी र नेपाल प्रशासन सेवातर्फको सचिवमा केदारनाथ शर्मा बढुवा गर्ने निर्णय गरेको छ।

यस्तै बागमती प्रदेशको प्रमुख सचिवमा सहसचिव गोविन्दबहादुर कार्कीलाई कायम मुकायम तोकेर कामकाजमा खटाउने, स्वास्थ्य सेवा विभागको संगठन तथा व्यवस्थापन सर्वेक्षण गर्न पूर्वस्वीकृति दिने र राष्ट्रिय मानवअधिकार आयोगको सचिवमा मुरारी प्रसाद खरेललाई नियुक्त गर्ने सरकारले निर्णय गरेको छ।