हिमाल प्रेस 
काठमाडौँ- आईसीसी क्रिकेट विश्वकप लिग-२ अन्तर्गत त्रिवि क्रिकेट मैदानमा भएको दोस्रो खेलमा नेपालले नेदरल्यान्ड्समाथि ९ विकेटको जित हात पारेको छ।
शनिबार नेदरल्यान्ड्सले दिएको १३७ रनको सामान्य लक्ष्य नेपालले १५.२ ओभरमा एक विकेटको क्षतिमा भेट्टायो।
नेपालका अनिलकुमार शाहले ५७, आसिफ सेखले ५४ र कुशल भुर्तेलले २८ रनको योगदान गरे। पहिलो इनिइङमा नेपालको घातक बलिङसँगै नेदरल्यान्ड्स कमजोरमा समेटिएको थियो।
नेपालका लागि कुशल भुर्तेलले एक्लै ४ विकेट झार्दा, ललित राजवंशीले २ फास्टबलर सोमपाल कामी र कप्तान रोहित पौडेलले समान १–१ विकेट निकालेका थिए।
नेदरल्यान्ड्सको इनिङ्समा कप्तान स्कट एडवर्डसले सर्वाधिक ३३ रन बनाए। उनलाई भुर्तेलले बोल्ड गरेका थिए।
बास डी लिडे २७ र साइब्रान्ड एनगेलब्रेक्टले २३ रनको योगदान दिए। अन्य ब्याटरको प्रर्दशन उल्लेख्य रहन सकेन।
नेपाल टस जितेर नेदरल्यान्ड्सविरुद्ध बलिङमा, दीपेन्द्र प्लेइङ-११ मा, बाहिरिए करण
