हिमाल प्रेस 
काठमाडौँ- स्थानीय तहका रिक्त विभिन्न ४१ पदका लागि आज बिहान ७ः०० देखि अपराह्न ५ः०० बजेसम्म मतदान हुँदैछ।
नगरपालिका प्रमुख एक, उपप्रमुख एक, गाउँपालिका अध्यक्ष दुई, उपाध्यक्ष चार र वडाध्यक्ष ३३ गरी ४१ पदका लागि उपनिर्वाचन हुन लागेको हो। उपनिर्वाचन हुने सम्बन्धित स्थानीय तहमा निर्वाचनका लागि गरिनुपर्ने आवश्यक सम्पूर्ण तयारी पूरा भएको निर्वाचन आयोगका प्रवक्ता नीता पोख्रेल अर्यालले जानकारी दिइन्।
आज मतदान हुने स्थानमा सार्वजनिक बिदा दिइएको छ। निर्वाचन आयोगको सिफारिसमा सरकारले सार्वजनिक बिदा दिएको हो। विद्यालयमै मतदानस्थल भएकाले पनि बिदा दिइएको हो।
प्रकाशित: १६ मंसिर २०८१ ६:३१
प्रतिक्रिया
