‘अयोग्य लडाकु’ लाई रकम बाँड्ने निर्णयको विरोध गर्दै अनेरास्ववियुको प्रदर्शन

काठमाडौँ- ‘अयोग्य लडाकु’ लाई रकम बाँड्ने सरकारको निर्णयप्रति विरोध जनाउँदै अनेरास्ववियुले प्रदर्शन गरेको छ।

विद्यार्थीले एनसीसी क्याम्पसअगाडि विरोध प्रदर्शन गरेका हुन्।
उनीहरूले ‘जनताका छोराछोरी साउदी र कतार, माओवादीलाई २ लाख’, ‘पहिले लडाकुको नाममा लिएको रकम हिसाब/किताब खोइ’लगायत लेखिएका प्लेकार्ड बोकेका थिए ।

पुष्पकमल दाहाल ‘प्रचण्ड’ नेतृत्वको सरकारले अयोग्य लडाकुलाई दुई लाख रुपैयाँ दिन कार्यविधि पास गरी अर्थ मन्त्रालयले १ अर्व ४० लाख रुपैयाँ छुट्याएको भन्दै उनीहरूले शुक्रबार प्रदर्शन गरेका हुन्।

उनीहरूले ‘अयोग्य लडाकुको नाममा भ्रष्टाचार बन्द गर, अयोग्य लडाकुलाई पैसा होइन सीपमूलक तालिम देऊ’लगायतका नारा लेखिएका टेम्पलेट बोकेका थिए।