प्रदेश १ को नाम किरात सगरमाथा नराखे आन्दोलनमा उत्रिने मोर्चाको चेतावनी

काठमाडौँ– प्रदेश १ को नाम ‘किरात सगरमाथा’ नराखे आन्दोलन गर्ने किरात मोर्चाले चेतावनी दिएको छ। केन्द्रीय अध्यक्ष मिसेकहाङ किरातले बुधबार प्रेस विज्ञप्ति जारी गर्दै यस्तो चेतावनी दिएका हुन्।

‘यदि योबाहेक अन्यथा हुन गएमा अस्वीकार गर्दै शसक्त प्रतिरोध गर्न आन्दोलनमा जाने घोषणा गर्दछौं,’ विज्ञप्तिमा उल्लेख छ।

प्राचीन किरात भूमि रहेको प्रदेश १ किरातको पहिचान, इतिहास र सभ्यतासँग जोडिएकाले किरात समुदायको प्रतिनिधित्व हुने गरी प्रदेशको नामकरण हुनुपर्ने मोर्चाले जनाएको छ।