हिमाल प्रेस 
काठमाडौँ- नेपाल बालकुमारी क्योकुशिन कराते संघद्वारा ललितपुर मंगलबजारमा तेस्रो ललितपुर महानगरपालिका मेयर कप राष्ट्रिय फुल कन्ट्याक्ट कराते प्रतियोगिता २०७९ सम्पन्न भएको छ।
उमेर समूहको कराते प्रतियोगितामा महिला र पुरुष गरी छ विधामा विभाजित गरेर आयोजना गरिएको थियो।
समूहगत प्रतियोगिताको महिलातर्फको ३५–४० किलो समूहमा साहारा वाईबा पहिलो भएकी छन्। दोस्रोमा दिक्षा महरा र तेस्रोमा अस्मिता श्रेष्ठ रहेका छन्।
४५–५०किलो तौल महिला समूहमा रिना माझी पहिलो भएकी छन्।
दोस्रोमा रेश्मा थापा र तेस्रोमा आयुषा बल रहेका छन्। ५०–५५ किलो तौल समूहमा अनिसा तामाङ पहिलो, जानकी कपाली दोस्रो र तेस्रोमा रमा श्रेष्ठ रहेका छन्।
३५–४० किलो तौल पुरुष समूहमा मिलन सहकारी पहिलो, आशिष घिमिरे दोस्रो र तेस्रोमा अंकितकुमार ठाकुर भएका छन्।
पुरुषतर्फ नै ५०–५५ किलो समूहमा विजया राई पहिलो, मनिष गोपाली दोस्रो र रोहित थापा तेस्रो रहेका छन्।
५५–६० किलो तौल पुरुष समूहमा महेन्द्र गजमेर पहिलो सुशान तामाङ दोस्रो र सन्जेश तामाङ तेस्रो भएका छन्।
ललितपुर महानगरपालिका मेयर चिरिबाबु महर्जनको प्रमुख आतिथ्यता र नेपाल बालकुमारी क्योकुशिन कराते संघका अध्यक्ष श्याम महर्जनको अध्यक्षतामा भएको कार्यक्रममा ललितपुर महानगरपालिकाकी उपप्रमुख मन्जरी बज्राचार्य शाक्य, गोदावरी नगरपालिका प्रमुख गजिन्द्र महर्जन, ललितपुरका प्रमुख जिल्ला अधिकारी जयनारायण महर्जनलगायतको उपस्थिति थियो।
