हिमाल प्रेस 
काठमाडौँ- नेपाली कांग्रेस चितवनले वडा अधिवेशनको सम्पूर्ण तयारी पुरा भएको जनाएको छ।
शुक्रबार भरतपुरमा पत्रकार सम्मेलन गर्दै कांग्रेस चितवनले असोज ३ र ४ गते हुने वडा अधिवेशनको सम्पूर्ण तयारी पूरा भएको जनाएको हो।
जिल्लाका ९८ वटै वडामा हुने अधिवेशनमा २७ हजार ५ सय क्रियाशील सदस्य सहभागी हुने कांग्रेस चितवनका सचिव धु्रव पोखरेलले जानकारी दिए। उनले वडा कार्यसमितिमा युवा र महिला प्रतिधिनित्व सुनिश्चित गरिएको बताए।
कांग्रेस चितवनका सभापति राजेश्वर खनालले जिल्लाका ९८ वडामध्ये सम्बन्धित वडाको अनुकूलताअनुसार असोज ३ वा ४ गते वडा अधिवेशन सम्पन्न गरिने बताए। विगतमा भएका कमी कमजोरीहरुलाई सच्चाउँदै नयाँ सोचका साथ सबैलाई समेटेर अघि बढिने उनको भनाइ छ।
वडा अधिवेशनबाट जिल्लामा ३ हजार १ सय क्षेत्रीय प्रतिनिधि निर्वाचित हुनेछन्। २७ हजार ५ सय क्रियाशील सदस्य रहेको चितवनमा असोज १० गतेभित्र सवै निर्वाचन प्रक्रिया सम्पन्न गरिने समेत चितवन कांग्रेसले जनाएको छ।
