हिमाल प्रेस 
काठमाडौँ- एसीसी प्रिमियर कपमा साउदी अरेबियाले नेपाललाई १९१ रनको विजयी लक्ष्य दिएको छ। टस जितेर पहिले ब्याटिङ गरेको साउदी अरेबियाले ४९.२ ओभरमा अलआउट हुँदै १९० रन बनायो।
साउदीका लागि अब्दुल वाहीदले सर्वाधिक ७७ रन बनाए। मोहम्मद आतिफले ३० रन बनाए। मोहम्मद हिशम शेखले १८ रन बनाए।
नेपालका लागि कप्तान सन्दीप लामिछानेले १० ओभरमा १९ रन दिएर ३ विकेट लिए। ललित राजवंशीले १० ओभरमा २६ रन दिएर २ विकेट लिए। दीपेन्द्रसिंह ऐरीले पनि ३ तथा शेर मल्लले १ विकेट लिए।
आजको खेल जितेमा नेपाल एक खेल अगावै सेमिफाइनलमा प्रवेश गर्नेछ। नेपालले यसअघि बहराइन र मलेसियालाई पराजित गरको थियो।
प्रकाशित: २१ भदौ २०८३ १०:३७ | Sunday, September 6, 2026
प्रतिक्रिया
