हिमाल प्रेस 
काठमाडौँ- दाङ क्षेत्र नं. २ को प्रतिनिधिसभा सदस्यतर्फ सत्ता गठबन्धनकी उम्मेदवार तथा नेकपा (माओवादी केन्द्र)की नेतृ रेखा शर्मा खड्काले अग्रता बढाएकी छन्।
पछिल्लो मतपरिणामअनुसार रेखाले ८ हजार ६१६ मत प्राप्त गरेकी छन्। उनका निकटतम प्रतिस्पर्धी नेकपा (एमाले)का महासचिव शंकर पोखरेलले ६ हजार ८०७ मत प्राप्त गरेका छन्। २० हजार ६७८ मतगणना हुँदा माओवादी नेतृ रेखा एमाले महासचिव शंकरभन्दा १ हजार ८०९ मतले अगाडि छन्।
त्यस्तै राष्ट्रिय स्वतन्त्र पार्टीका विशाल अधिकारीले ३ हजार १२२ मत प्राप्त गरेका छन्। निर्वाचन क्षेत्र नं.२ मा कुल मतदाता १ लाख ३३ हजार ७४८ रहेकोमा ७९ हजार ४४६ मत खसेको छ।
प्रकाशित: ६ मंसिर २०७९ १५:३४
प्रतिक्रिया
