हिमाल प्रेस 
सेयर बजार
काठमाडौँ- नेपाल स्टक एक्सचेञ्ज (नेप्से) परिसूचक ३३ दशमलव ४१ अङ्कले बढेर २ हजार ७१६ दशमलव ६६ कायम भएको छ। आज परिसूचक १ दशमलव २४ प्रतिशतले बढेको हो। ३१२ कम्पनीको १ करोड ४२ लाख ९२ हजार ७४२ कित्ता शेयर ७५ हजार ५७२ पटक खरिदबिक्री हुँदा ७ अर्ब ४४ करोड ९८ लाख ९८ हजार ९८७ रुपैयाँ बराबरको कारोबार भएको नेप्सेले जनाएको छ।
बैंकिङ १ दशमलव २०, विकास बैंक शून्य दशमलव ४९, वित्त समूह १ दशमलव ५१, होटल तथा पर्यटन शून्य दशमलव ६४, जलविद्युत् १ दशमलव ९७ र लगानी समूह १ दशमलव १३ प्रतिशतले बढेको छ।
जीवन बीमा १ दशमलव ०२, उत्पादन तथा प्रशोधन १ दशमलव ०८, लघुवित्त शून्य दशमलव ८५, म्युचुअल फन्ड शून्य दशमलव २३, निर्जीवन बीमा शून्य दशमलव ८१, व्यापार १ दशमलव २९ र अन्य समूह १ दशमलव ६८ प्रतिशतले बढेको छ।
सपोर्ट माईक्रोफाइनान्स वित्तीय संस्था लिमिटेड, युनाईटेड आईडिआई मर्दी हाईड्रोपावर लिमिटेड र कुथेली बुखरी स्मल हाईड्रोपावर लिमिटेडको शेयर मूल्यमा सकारात्मक सर्किट लागेको छ।
थ्रीस्टार हाईड्रोपावर लिमिटेडको शेयर मूल्यमा भने नकारात्मक सर्किट लागेको छ।
कारोबार रकमका आधारमा आज सबैभन्दा धेरै नेपाल फाइनान्स लिमिटेडको ४५ करोड ७८ लाख रुपैयाँ बराबरको कारोबार भएको छ। खरिदबिक्री भएका शेयरका आधारमा सबैभन्दा धेरै ङादी ग्रुप पावर लिमिटेडको ६ लाख ८८ हजार २३६ कित्ता शेयर किनबेच भएको छ।
