हिमाल प्रेस 
काठमाडौँ- सुनको मूल्य बढेको छ।
अघिल्लो दिन प्रतितोला दुई हजार सात सय रुपैयाँ घटेको सुनको भाउ आज प्रतितोला पाँच सय रुपैयाँ बढेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३६ हजार रुपैयाँ र तेजाबी सुन प्रतितोला एक लाख ३५ हजार तीन सय ५० रुपैयाँमा कारोबार भइरहेको छ।
मंगलबार छापावाल सुन प्रतितोला एक लाख ३५ हजार पाँच सय रुपैयाँ र तेजाबी सुन प्रतितोला एक लाख ३४ हजार आठ सय ५० रुपैयाँमा कारोबार भएको थियो।
त्यसैगरी, बुधबार चाँदीको मूल्य पनि बढेको छ। आज चाँदी प्रतितोला १६ सय ७० रुपैयाँमा कारोबार भइरहेको छ।
मंगलबार चाँदी प्रतितोला १६ सय ६० रुपैयाँमा कारोबार भएको थियो।
मंगलबारको तुलनामा बुधबार चाँदी प्रतितोला १० रुपैयाँ बढेको हो।
प्रकाशित: १२ वैशाख २०८१ ११:४३
प्रतिक्रिया
