एमालेले नियमापत्ति गरेपछि कांग्रेसका पूर्णबहादुरले मागे माफी

काठमाडौँ- नेकपा एमालेका सचेतक महेश बर्तौलाले आइतबारको प्रतिनिधिसभा बैठकमा नियमापत्ति जनाएपछि नेपाली कांग्रेसका उपसभापति पूर्णबहादुर खड्काले माफी मागेका छन्।

सांसद बर्तौलाले प्रतिनिधि सभा नियमावली २० को ६ बमोजिम सभामुखको आसन र बोलिरहेको सदस्यको बीचबाट हिँड्न कोही पनि सदस्यलाई अनुमति नभएको बताएका थिए।

लगत्तै कांग्रेसका सांसद खड्काले माफी मागे। उनले भने, ‘अन्देखाका कारण मान्यज्यूले उल्लेख गर्नुभएअनुसार मैले नियमावलीको उक्त दफालाई उल्लङ्घन गरेँ, त्यसका लागि म क्षमा माग्न चाहन्छु।’