मधेश प्रदेश लोकसेवाले माग्यो कर्मचारी

काठमाडौँ- प्रदेश लोक सेवा आयोग मधेश प्रदेशले कर्मचारी नियुक्तिका लागि आवेदन आह्वान गरेको छ।

प्रदेश निजामती सेवाको सहायक पाँचौं तह (अप्राविधिक/प्राविधिक) पदका लागि आवेदन खुलाइएको हो।

प्रदेश निजामती सेवाका विभिन्न सेवा, समूह, उपसमूह तथा तहका रिक्त पदको खुला, समावेशी तथा अन्तर सेवा प्रतियोगितात्मक परीक्षाद्वारा पदपूर्ति गर्नुपर्ने भएकाले दरखास्त आह्वान गरिएको आयोगले जनाएको छ।