बझाङमा हिमपहिरो, केही व्यक्ति सम्पर्कविहीन

काठमाडौँ- बझाङमा हिमपहिरोमा परी केही व्यक्ति सम्पर्कविहीन भएका छन्। बझाङको सुर्मा गाउँपालिका-२को धानशेरा पाटनमा गएको हिमपहिरोमा परी केही व्यक्ति  सम्पर्कविहीन भएका हुन्।

सुर्मा गाउँपालिकाका अध्यक्ष खडकबहादुर बोहोराले पाटनमा हिमपहिरोमा परेर केही व्यक्ति सम्पर्कविहीन भएका बताए। ‘चार-पाँच जना त्यहाँ (पाटनमा) रहेका भन्ने कुरा छ,’ उनले हिमाल प्रेससँग भने, ‘सम्पर्क कसैसँग हुन सकेको छैन। प्रहरी गइरहेको छ। एक छिनमा केही थाहा होला कि।’

उनका अनुसार भानसेरा पाटनमा यार्सा टिप्नका लागि केही व्यक्ति गएका थिए। धानशेरा पाटन पुग्न बझाङ सदरमुकामबाट एक दिनभन्दा बढी समय लाग्ने बताइएको छ।