हिमाल प्रेस 
प्रतीकात्मक तस्बिर।
सुनसरी- सुनसरीको हरिनगर गाउँपालिका ५ नरकटियास्थित भुटाहा-घुस्की भित्री सडक खण्डबाट सशस्त्र प्रहरीले करिब २ सय ५८ किलो गाँजासहित एउटा सवारी नियन्त्रणमा लिएको छ ।
सशस्त्र प्रहरीका नायव प्रहरी उपरीक्षक शैलेन्द्र थापाका अनुसार भुटाहाबाट घुस्कीतर्फ आउँदैगरेको बीआर १ ए के ६१०० नम्बरको स्कारपियो गाडीलाई सशस्त्र प्रहरी बल नेपाल बीओपी बसन्तपुरले जाँचगर्दा सो परिमाणको गाँजा फेला पारेको हो।
सशस्त्र प्रहरीले सो गाडी रोक्नेवित्तिकै गाडी चालक गाडी छाडेर भागेका थिए । गाडीमा १२ वटा बोराभित्र प्याक गरेर राखेको अवस्थामा उक्त गाँजा फेला परेको थियो । बरामद गाँजा तथा गाडी जिल्ला प्रहरी कार्यालय सुनसरीमा बुझाइएको थापाले बताए।
प्रकाशित: १७ फागुन २०७९ ७:३५
प्रतिक्रिया
