हिमाल प्रेस 
काठमाडौँ– बंगलादेशकी पूर्व प्रधानमन्त्री खालिदा जियाको स्वास्थ्य अवस्था अस्पताल भर्ना भएयता लगातार बिग्रिएको छ।
उनका परिवार र पार्टीका सदस्यहरूले नागरिकहरूलाई उनको शीघ्र स्वास्थ्य लाभको लागि प्रार्थना गर्न अनुरोध गरेका छन्।
८० वर्षीया जिया फोक्सो संक्रमणका लक्षण देखिएपछि अस्पताल भर्ना भएकी थिइन्। बंगलादेश राष्ट्रिय पार्टीका नेता मिर्जा फख्रुल आलमगिरले भने, ‘डाक्टरहरूले हामीलाई उहाँको स्वास्थ्य अवस्था अत्यन्तै गम्भीर रहेको जानकारी दिनुभएको छ।’
केही वरिष्ठ नेता र समर्थकहरूले अस्पताल पुगेर उनको स्वास्थ्य अवस्थाबारे जानकारी लिएका छन्। समाचारका अनुसार, जियालाई मिर्गौला सम्बन्धी समस्या, मधुमेह, फोक्सो समस्या र आँखासम्बन्धी रोग छन्।
उनकी जेठी छोरी तारिक रहमानले भनिन्, ‘हामी सबैको प्रार्थना र माया प्रति हार्दिक धन्यवाद व्यक्त गर्छौँ।’
खालिदा जिया तीनपटक प्रधानमन्त्री रहिसकेकी छन्। सन् २०१८ मा भ्रष्टाचारको मुद्दामा जेल चलान गरिएकी जियालाई विदेशमा उपचार गर्न पनि अनुमति थिएन। उनी गत वर्ष रिहा भएकी थिइन्।
