हिमाल प्रेस 
काठमाडौँ- राष्ट्रिय स्वतन्त्र पार्टी (रास्वपा) को सचिवालय बैठक बुधबार बस्ने भएको छ। रुपन्देही निर्वाचन क्षेत्र नम्बर ३ को उपनिर्वाचनका विषयमा छलफल गर्न सचिवालय बैठक डाकिएको हो।
सचिवालय बैठक केन्द्रीय कार्यालयमा बिहान साढे ११ बजे बस्ने प्रवक्ता मनिष झाले जानकारी दिए। उनका अनुसार बैठकमा समसामयिक पार्टी र राजनीतिक गतिविधि, उपनिर्वाचनलगायतका विषयमा छलफल हुनेछ।
रूपन्देही ३ को उपनिर्वाचन आगामी कात्तिक १७ गतेका लागि तोकिएको छ।
प्रकाशित: १८ असार २०८२ २०:४२
प्रतिक्रिया
