कांग्रेसको राज्य प्रशासन विभागमा १० सदस्य मनोनीत

काठमाडौँ-  नेपाली कांग्रेसका सभापति शेरबहादुर देउवाले पार्टीको राज्य प्रशासन विभागमा १० जना सदस्य मनोनीत गरेका छन्।

पार्टीको विधान, २०१७ (संशोधनसहित) को धारा २५ (९) बमोजिम उनले गोविन्द भट्टराई प्रमुख रहेको राज्य प्रशासन विभागमा सदस्य मनोनीत गरेका हुन्।

विभागमा मनोनीत हुने सदस्यहरूमा विजराज आचार्य (कास्की), डिल्लीप्रसाद शिवाकोर्टी (भक्तपुर), गोपालप्रसाद पोख्रेल (सुनसरी), अर्जुन साह (सप्तरी), थम्मनबहादुर खत्री (गुल्मी), रामबहादुर रोकाह (डोटी), मक्करबहादुर रावल (मुगु), गीता देवकोटा (चितवन), द्रोपदी वली (बाँके) र तीर्थराज खनाल (झापा) रहेको मुख्य सचिव कृष्णप्रसाद पौडेलले जानकारी दिए।