रवि पक्राउबारे शंकर पोखरेल भन्छन् : पक्राउ पुर्जीको रीति र थिति रास्वपा नेतालाई थाहा छ

काठमाडौँ- राष्ट्रिय स्वतन्त्र पार्टी (रास्वपा) सभापति रवि लामिछानेलाई रातको समयमा घरमै पुगेर पक्राउ गरेको विषयले अहिले सरकार आलोचना भइरहेको छ।

शुक्रबार बुटवलको सुप्रिम सहकारी प्रकरणमा उच्च अदालतले पुर्पक्षका लागि थुनामा पठाउने आदेश दिएपछि राति नै प्रहरीले रविलाई पक्राउ गरेको थियो।

पक्राउ पर्नुअघि रविले आफू नभाग्ने र गिरफ्तारी दिने बताएका थिए। तर एकाएक प्रहरी घरमै पुगेको कारण सरकारले किन हतार गरेको भन्ने विषय उठिरहँदा नेकपा एमाले महासचिव शंकर पोखरेलले भने रवि गृहमन्त्री भइसकेको व्यक्ति भएकाले पक्राउ पुर्जीको रीति र थिति थाहा छ भनेका छन्।

उनले यो कुरा रास्वपाका नेताहरूलाई पनि थाहा भएको बताएका छन्। उनले पक्राउ गर्ने विषयमा
पनि सुधारको खोजी यस्तै बेला हुने सामाजिक सन्जालमार्फत उल्लेख गरेका छन्।