हिमाल प्रेस 
फाइल तस्बिर
काठमाडौँ- अविलम्ब विद्यालय शिक्षा विधेयक–२०८० लाई ऐनको रुप दिनुपर्ने माग गर्दै दबाब स्वरुप शिक्षक कर्मचारीहरूले सामाजिक सञ्जालमा ‘कि जितिन्छ कि बितिन्छ’ लेखेका छन्।
सरकारले ऐन जारी गर्न ढिलाइ गरेको भन्दै उनीहरूले उक्त अभियान चलाएका हुन्। विद्यार्थी, विद्यालय, शिक्षक, कर्मचारीमैत्री शिक्षा ऐन नेपाल शिक्षक महासंघको नेतृत्वमा शिक्षक कर्मचारीहरू दुई महिनादेखि आन्दोलित छन्।
बुधबारदेखि काठमाडौँमा आन्दोलन सुरु हुँदैछ। यो आन्दोलनमा ‘कि जितिन्छ कि बितिन्छ’ भन्दै महासंघले काठमाडौँमा अनिश्चितकालीन आन्दोलन हुने बताएको छ।
महासंघमा आबद्ध नेपाल विद्यालय कर्मचारी परिषद् केन्द्रीय कार्यसमिति अध्यक्ष गंगाराम तिवारीले सम्पूर्ण आन्दोलनकारी शिक्षक–कर्मचारीहरूलाई आफ्नो सामाजिक सञ्जालमा ‘कि जितिन्छ कि बितिन्छ’ पोस्ट गर्न आग्रह गरेका छन्।
महासंघका अध्यक्ष लक्ष्मीकिशोर सुवेदी, आन्दोलन परिचालन समिति संयोजक नानुमाया पराजुलीलगायत सबैले उक्त नारा सञ्जालमा पोस्ट गर्दै २० गते बुधबार विद्यालय पोसाकमा काठमाडौँमा जान शिक्षक कर्मचारीलाई आह्वान गरेका छन्।
