एकै महिनामा प्रहरीले पक्राउ गर्‍यो ३२ सय फरार प्रतिवादी  

उनीहरूबाट २३ करोड ९२ लाख ९१ हजार रुपैयाँ जरिवाना उठाइएको छ। उनीहरू कूल छ सय ७२ वर्ष छ महिना २३ दिन कैद तोकिएका व्यक्ति हुन्।

प्रवक्ता आचार्यका अनुसार कोशी प्रदेशबाट मात्रै ५२७ र मधेस प्रदेशबाट ७१३ जना फरार प्रतिवादी पक्राउ परेका छन्। यस्तै बागमती प्रदेशबाट २७०, गण्डकी प्रदेशबाट २१७, लुम्बिनी प्रदेशबाट ५८३, कर्णाली प्रदेशबाट ५५ र सुदूरपश्चिम प्रदेशबाट ८९ जना पक्राउ परेका छन्।

सबैभन्दा बढी काठमाडौँ उपत्यकाबाट ९०३ र केन्द्रीय अनुसन्धान ब्युरोले विभिन्न क्षेत्रबाट सात जना फरार प्रतिबादी पक्राउ गरेको छ। उनीहरूलाई अदालतमा पेस गरिएको र अदालतबाट कैद भुक्तानीका लागि कारागार पठाइसकेको प्रहरी प्रधान कार्यालयले जानकारी दिएको छ।