हिमाल प्रेस 
प्रतीकात्मक तस्बिर।
काठमाडौँ– टर्कीको राजधानी अंकारामा विषाक्त मदिरा सेवनबाट ३३ जनाको मृत्यु भएको छ भने अन्य २० जना अस्पतालमा उपचाररत छन्।
टर्कीमा अवैध उत्पादित मदिराबाट हुने विषाक्तता सामान्य छ। यहाँ सरकारले मदिरामा कर बढाएपछि निजी उत्पादन तीव्र रूपमा बढेको छ।
राज्य सञ्चालित एनादोलु समाचार एजेन्सीका अनुसार मादक पेय पदार्थ आपूर्ति गरेको आशंकामा ३२ जनालाई हिरासतमा लिइएको छ।
अंकारा प्रान्तीय गभर्नरको कार्यालयले मंगलबार विषाक्त रक्सी प्रयोगविरुद्ध सार्वजनिक चेतावनी जारी गरेको थियो।
अन्य शहरहरूमा पनि यस्तै घटनाहरू भएको बताइएको छ। इस्तानबुलमा जनवरीमा विषाक्त रक्सीको कारण कम्तिमा ९० जनालाई अस्पतालमा भर्ना गरिएको थियो, जसमा ३८ जनाको मृत्यु भएको थियो।
अधिकांश मृत्यु मिथेनोल विषाक्तताको कारणले हुन्छ।
टर्कीका अधिकारीहरूले विषाक्त मदिराको उत्पादन र बिक्रीमा कडाइ गर्न प्रयासहरू तीव्र पारेका छन्। साथै, अधिकारीहरूले जनतालाई इजाजत नभएका पेय पदार्थहरूबाट बच्न आग्रह गरेका छन्।–रासस/सिन्ह्वा
