हिमाल प्रेस 
कांग्रेस केन्द्रीय कार्यालय
काठमाडौँ– नेपाली कांग्रेसले पूर्वसभामुख दमननाथ ढुंगानाको निधनले देशलाई ठूलो क्षति भएको बताएको छ। आज बसेको कांग्रेस केन्द्रीय कार्यसमितिको आकस्मिक बैठकले पार्टी कार्यालयमा झन्डा आधा झुकाउने निर्णय पनि गरेको छ।
कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार मंसिर ३ र ४ गते पार्टी कार्यालयमा झन्डा आधा झुकाउने निर्णय पनि बैठकले गरेको छ। साथै मंसिर ४ गते केन्द्रीय कार्यालय बन्द गर्ने निर्णय भएको पौडेलको भनाइ छ।
स्वर्गारोहणको १३ औं दिनमा केन्द्रमा शोक सभाको आयोजना गर्ने पनि निर्णय पनि कांग्रेसले गरेको छ। ढुंगानाको हिजो आइतबार निधन भएको हो।
प्रकाशित: ३ मंसिर २०८१ १२:३४
प्रतिक्रिया
