हिमाल प्रेस 
बालविकास कक्षा। फाइल तस्बिर।
काठमाडौँ- सुदूरपश्चिम प्रदेश सरकारले प्रत्येक स्थानीय तहमा एक-एक वटा बालविकास केन्द्रलाई नमूना बालविकास केन्द्रको रूपमा विकास गर्ने कार्यक्रमलाई निरन्तरता दिएकाे छ।
शुक्रबार सरकारले आगामी आव २०८१/८२ का लागि बजेट सार्वजनिक गर्दै उक्त कार्यक्रमलाई निरन्तरता दिएको हो।
प्रदेशसभा बैठकमा आर्थिक मामिलामन्त्री सुरेन्द्रबहादुर पालद्वारा प्रस्तुत बजेट वक्तव्यमा भनिएको छ,‘प्रत्येक स्थानीय तहमा एक/एक वटा बालविकास केन्द्रलाई नमूना बालविकास केन्द्रको रूपमा विकास गर्ने कार्यक्रमलाई निरन्तरता दिएको छु। यस कार्यक्रमका लागि १ करोड ५० लाख बजेट विनियोजन गरेको छु।’
सरकारले आगामी आवका लागि ३१ अर्ब ६२ करोड ९८ लाख २८ हजार बजेट सार्वजनिक गरेकाे छ।
प्रकाशित: ३ असार २०८१ १५:३८
प्रतिक्रिया
