हिमाल प्रेस 
काठमाडौँ- नेकपा एमाले रामेछापको नवौँ जिल्ला अधिवेशन नयाँ नेतृत्व चयन गर्दै शुक्रबार सम्पन्न भएको छ।
अधिवेशनले पुरुषोत्तम कडरियाको अध्यक्षतामा नयाँ नेतृत्व चयन गरेको हो। अध्यक्षमा कडरिया र सचिवमा प्रकाश कुमारी कार्की सर्वसम्मत रूपमा निर्वाचित भएका छन्।
उपाध्यक्ष र दुई उपसचिवमा निर्वाचन भएको छ। उपाध्यक्षमा होतराज ढकाल, उपसचिव खुल्लामा मिलनकुमार घिसिङ र महिला उपसचिवमा मखमली श्रेष्ठ निर्वाचित भए।
त्यसैगरी लेखा कमिटी अध्यक्ष्मा रामप्रसाद देवकोटा, उपाध्यक्ष तेजबहादुर बोहरा र सचिवमा तिलक कार्की पनि सर्वसम्मत हुन्। जिल्ला कमिटीमा धेरै सदस्यहरू सर्वसम्मत निर्वाचित भएका छन्।
प्रकाशित: २९ वैशाख २०८१ ९:१५
प्रतिक्रिया
