हिमाल प्रेस 
काठमाडौँ- आईसीसी यू-१९ विश्वकप क्रिकेटमा भारतले लगातार दोस्रो जित निकालेको छ। भारतले बिहीबार आयरल्यान्डलाई २०१ रनको फराकिलो अन्तरले पराजित गरेको हो।
३०२ रनको लक्ष्य पछ्याएको आयरल्यान्ड २९.४ ओभरमा १ सय रनमा अलआउट भयो। भारतका लागि सौम्य पाण्डेले ९ ओभरमा २१ रन खर्चेर ३ विकेट लिएका थिए। त्यसैगरी नमन तिवारीले १० ओभरमा ५३ रन खर्चेर ४ विकेट लिए।
कप्तान उदय शरण, धनुष गोन्डा र मुरुगान अभिषेकले समान १ विकेट लिएका थिए। आयरल्यान्डले टस जितेर भारतलाई ब्याटिङको निम्तो दिएको थियो।
पहिलो खेलमा बंगलादेशलाई हराएको भातर समूह एमा ४ अंकसहित शीर्षस्थानमा छ।
प्रकाशित: १२ माघ २०८० ७:२१
प्रतिक्रिया
