हिमाल प्रेस 
हिमपात। फाइल तस्बिर।
काठमाडौँ- जल तथा मौसम विज्ञान विभाग,मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेका कारण चिसो बढ्दै गएको जनाएको हो।
अहिले बिहान देशको पहाडी भू-भागमा आंशिक बदली रहेको बताउँदै महाशाखाले बाँकी भू-भागमा सामान्यतया मौसम सफा रहेको नियमित बुलेटिनमार्फत जनाएको छ।
महाशाखाका अनुसार अहिले तराई-मधेशका केही जिल्लामा हुस्सु तथा कुहिरो लागेको छ। आज दिउँसो लुम्बिनी प्रदेशलगायत देशको पहाडी भू-भागमा आंशिक बदली रही बाँकी भू-भागमा मौसम सामान्यतया सफा महाशाखाले पूर्वानुमान गरेको छ।
राति लुम्बिनी प्रदेशलगायत देशको पहाडी भू-भागमा आंशिक बदलीकै अवस्था रहनेछ। बाँकी भू-भागमा भने मौसम सामान्यतया सफा रहने बताइएको छ।
गण्डकी प्रदेशको उच्च पहाडी तथा हिमाली भू-भागको एक/दुई स्थानमा हल्का हिमपातको सम्भावना रहेको छ।
प्रकाशित: १ पुष २०८० ६:१८
प्रतिक्रिया
