हिमाल प्रेस 
काठमाडौँ- एनएमबि बैंक लिमिटेडले अन्तर्राष्ट्रिय साझेदार डच इन्टरप्रिनिउरियल डेभलपमेन्ट बैंक (एफएमओ)बाट २० मिलियन अमेरिकी डलर (करिब २ अर्ब ६४ करोड रुपैयाँ) बराबरको ऋण प्राप्त गरेको छ।
यो रकम हरित वित्त प्रवर्द्धन र साना तथा मझौला उद्यममा लगानी गर्ने बैंकले जनाएको छ।
२० मिलियनमध्ये १५ मिलियन अमेरिकी डलर ग्रिन इनिसिएटिभमा केन्द्रित रही वित्तीय कारोबार गर्नका लागि र बाँकी रकम साना तथा मझौला उद्यमको विकासमा लगाउने दुई संस्थाबीच सम्झौता भएको छ।
एनएमबि बैंकले २०१ शाखा, १५१ एटीएम र १२ एक्सटेन्सन काउन्टरमार्फत देशभर सेवा दिइरहेको छ।
प्रकाशित: १ कार्तिक २०८० १३:२९
प्रतिक्रिया
