हिमाल प्रेस 
काठमाडौँ- ६१ वर्षीया महिलालाई जबरजस्ती करणी गरेको अभियोगमा २ जनालाई पाल्पा प्रहरीले पक्राउ गरेको छ।
पक्राउ पर्नेहरूमा रुपन्देही गैडहवा गाउँपालिका ६ घर भई पाल्पा तानसेन नगरपालिका ६ स्थित खानेपानि ट्यांकी निर्माणको काम गरी बस्ने ५६ वर्षीय महताम लोध र रुपन्देही कोटहीमाई गाउँपालिका २ घर भएका १८ वर्षीय किशोर रहेका छन्।
उनीहरूले ती महिललाई गत मंगलबार जबरजस्ती करणी गरेको भन्ने उजुरीको आधारमा जिल्ला प्रहरी कार्यालय पाल्पा र प्रहरी चौकी बर्तुङबाट खटिएको प्रहरीले उनीहरूलाई पक्राउ गरेको हो।
बुधबार दिउँसो पक्राउ परेका उनीहरूमाथि प्रहरीले थप अनुसन्धान गरिरहेको छ।
प्रकाशित: १६ चैत २०७९ ११:११
प्रतिक्रिया
