काठमाडौँका शिक्षकले अब मासिक तलब पाउने

काठमाडौँ- काठमाडौँ महानगरपालिकाले महानगरपालिकाभित्रका विद्यालयका शिक्षकलाई मासिक रुपमै तलब उपलब्ध गराउने भएको छ। महानगरपालिकाकी उपमेयर सुनिता डंगोलका अनुसार स्रोत भर्ना कोषमार्फत सामुदायिक विद्यालयका शिक्षकहरूलाई मासिक रुपमा नै तलब उपलब्ध गराउने व्यवस्था गरिएको बताइन्।

सामुदायिक विद्यालयका शिक्षकहरुले त्रैमासिक रुपमा तलव पाउने व्यवस्था संघीय सरकारले गरेको छ। तर काठमाडौँ महानगरपालिकाले भने स्रोत भर्ना कोषमार्फत् उनीहरूलाई मासिक रुपमै तलब लिने व्यवस्था गरेको हो।

‘यो वर्षभित्रबाट काठमाडौँ महानगरपालिका भित्रका सामुदायिक विद्यालयका शिक्षकहरूले पनि मासिक रुपमै तलब पाउने व्यवस्था हामीले गरेका छौँ,’ उनले भनिन्।