हिमाल प्रेस 
काठमाडौँ- सम्पर्कविहीन मनाङ एयरको हेलिकप्टर सोलुखुम्बुको लिखु पिके गाउँपालिका वडा नं ५ मा दुर्घटना भएको छ।
गाउँपालिका अध्यक्ष मिना कार्की बस्नेतका अनुसार लाम्जुरा डाँडामा हेलिकप्टर दुर्घटनामा परेको हो। उनका अनुसार दुर्घटनास्थलमा गाउँपालिका र प्रहरीको टोली गइरहेको छ।
हेलिकप्टरमा पाइलटसहित ६ जना सवार रहेको नेपाल नागरिक उड्डयन प्राधिकरण (क्यान)ले जनाएको छ।
हेलिकप्टरमा पाँच जना यात्रु र एक पाइलट छन्। हेलिकप्टरको खोजीका लागि काठमाडौँबाट अल्टिच्युड एयरको हेलिकप्टर पनि गइरहेको छ।
नाइन एन–एएमभी (एएस–५०) कलसाइनको हेलिकप्टर सुर्केबाट काठमाडौँका लागि १०ः०५ मिनेटमा उडेको थियो।
प्रकाशित: २६ असार २०८० १२:१९
प्रतिक्रिया
