कार्यकर्ता अनुशासनमा नबसेको भन्दै आक्रोशित बने ओली, भने, ‘राष्ट्रिय भेला हाटबजार होइन’

हिमाल प्रेस ३ मंसिर २०८३ १०:१६ | Thursday, November 19, 2026
8
SHARES
कार्यकर्ता अनुशासनमा नबसेको भन्दै आक्रोशित बने ओली, भने, ‘राष्ट्रिय भेला हाटबजार होइन’

काठमाडौँ- नेकपा एमाले अध्यक्ष केपी शर्मा ओलीले पार्टी नेता तथा कार्यकर्तामा अनुशासन कमजोरी देखिएको औंल्याउँदै अनुशासित भएर भेलास्थलमा बस्न आग्रह गरेका छन्।

राष्ट्रिय भेलाको दोस्रो दिन बन्दसत्रको अध्यक्षता ग्रहण गर्दै अध्यक्ष ओलीले राष्ट्रिय भेलाको गरिमालाई उच्च राख्न कार्यकर्तालाई निर्देशन दिँदै भने, ‘एमाले जस्तो अनुशासित पार्टीको भेला अनुशासनमा रहनु पर्‍यो ।’

हिजो उद्घाटन र बन्दसत्रमा सहभागीहरु हलबाट बाहिरिएको, अनाधिकृत व्यक्तिहरुको समेत प्रवेश भएपछि अध्यक्ष ओलीले आज सहभागी र स्वयंसेवकहरुलाई कडाइका साथ अनुशासन पालन गर्न निर्देशन दिए।

‘भेलालाई भेला जस्तो बनाउनु पर्छ । हिजो अन्तिममा फाट्टफुट्ट साथीहरु मात्रै थिए । घरका मान्छेहरुले सोधे भने के गर्नेहोला ? स्वास्थ्य समस्या भए नजिकै डाक्टरहरु हुनुहुन्छ। उहाँहरुको अनुमतिमा जानुहोला । सौंचका लागि नजिक सौचालयमा जानुहोला। कार्यक्रम सक्कियो कि सक्किएन भन्ने जस्तो भयो’, उहाँले भन्नुभयो- ‘एमालेको राष्ट्रिय भेला हाटबजार जस्तो होइन।’

प्रकाशित: ३ मंसिर २०८३ १०:१६ | Thursday, November 19, 2026

प्रतिक्रिया

Leave a Reply

Your email address will not be published. Required fields are marked *

10 + one =


© Nepali horoscope

© Gold Price Nepal

© Nepal Exchange Rates
© Nepal weather forecast