हिमाल प्रेस 
काठमाडौँ- नेपाली कांग्रेसको १५औँ महाधिवेशनमा दुई खुला उपसभापति डा. चन्द्रकान्त भण्डारी र ई. मधु आचार्य विजयी बनेका छन्।
उपसभापति खुल्लातर्फ डा. चन्द्रकान्त भण्डारीले सर्वाधिक ३,७३५ मत र ई. मधु आचार्यले २,३४२ मत प्राप्त गरी जित हासिल गरेका छन् ।
यस पदका अन्य प्रतिस्पर्धीहरूमा गोविन्द भट्टराईले १,७५२, सुरेन्द्रराज पाण्डेले १,६७३, धनराज गुरुङले १,५९६, दीपक गिरीले ९२३ र प्रा. डा. चन्द्र मोहन यादवले ७६० मत प्राप्त गरे । कांग्रेसको महाधिवेशनको मतगणना धमाधम भइरहेको छ। अहिले सहमहामन्त्री र केन्द्रीय सदस्यहरूको मतगणना चलिरहेको छ। गएको असोज १८ देखि काठमाडौँमा कांग्रेस महाधिवेशन भएको थियो।
प्रकाशित: २६ असोज २०८३ ६:२४ | Monday, October 12, 2026
प्रतिक्रिया
