हिमाल प्रेस 
काठमाडौँ- नेपाल क्रिकेट संघ (क्यान) ले ४ वर्षपछि सन्दीप लामिछानेलाई कप्तानीमा फर्काएको छ। क्यानले सन्दीपलाई एक दिवसीय टिमको कप्तान चयन गर्दै रोहित पौडेललाई हटाएको हो। यसअघि सन्दीप कप्तान रहदा रोहित उपकप्तान थियो। सन्दीपमाथि मुद्दा लागेपछि रोहितले कप्तानमा बढुवा भएका थिए। नेपालले हालै नेदरल्यान्ड्समा आयोजित लिग २ को महत्वपूर्ण शृंखलामा खराब प्रदर्शन गरेसँगै रोहित पौडेलको कप्तानी खोसिएको छ।
सो भ्रमणमा नेपाल जितविहिन बनेको थियो । परिणामस्वरुप नेपालको एक दिवसीय मान्यता पनि संकटमा परेको छ। सन्दीप कप्तानीमा फर्किँदा अन्य परिचित नाम पनि टिममा समेटिन छुटेका छन्।
एसीसी प्रिमियर कपका लागि घोषित १४ सदस्यीय स्क्वाडमा कुशल भुर्तेल, सोमपाल कामी, नन्दन यादव, करण केसी, आरिफ शेख, भीम सार्की पनि छुटेका छन् । यादव नेदरल्यान्ड्समा भएको लिग २ शृंखलाका क्रममा घाइते भएका थिए।
युवा खेलाडीहरू अर्जुन कुमाल, सन्दीप जोरा, देव खनाल, बसिर अहमद, ईशान पाण्डे, शेर मल्ल, हेमन्त धामीलगायतको उपस्थिति छ ।
