हिमाल प्रेस 
काठमाडौँ- विद्यालय शिक्षा विधेयक-२०८० टुंग्याउन प्रतिनिधिसभाको शिक्षा, स्वास्थ्य तथा सूचना प्रविधि समिति बैठक अनिश्चित बनेको छ।
शिक्षा समितिका सभापति अम्मरबहादुर थापाका अनुसार शिक्षामन्त्री रघुजी पन्त बैठकका लागि कहिले तयार हुने भन्ने स्पष्ट नभएकाले समिति बैठक कहिले बस्ने भन्ने अनिश्चित रहेको छ। उनले भने,‘मन्त्री कहिले तयार भएर आउनुहुन्छ, त्यसपछि बैठक हुन्छ।’
समितिमा विचाराधीन विधेयकको विषयमा राजनीतिक सहमतिको प्रयास जारी रहेको छ। तर अस्थायी शिक्षकको व्यवस्थापन, विद्यालयको स्वायत्तता, निजी विद्यालयको नियमन, पाठ्यक्रम तथा परीक्षा प्रणाली लगायतका विषयमा अझै दलहरूबीच स्पष्ट सहमति बनेको छैन।
शिक्षा मन्त्रालयले यसअघि असार मसान्तभित्र विधेयक समितिबाट पारित गराउने तयारी गरिरहेको जनाएको थियो। स्राेतका अनुसार केही विवादित बुँदामा दलहरूबीच अनौपचारिक छलफल चलिरहेको छ।
![एकसाथ पाँच राजनीतिक दलको कार्यालयमा धर्ना दिएर ध्यानाकर्षणपत्र बुझाउँदै शिक्षक महासंघ [पत्रसहित]](https://himalpress.com/wp-content/uploads/2025/09/cnt-janamat.jpg)
