हिमाल प्रेस 
काठमाडौँ- काठमाडौँको तीनथानामा शुक्रबार बिहान मोटरसाइकल र स्कुटर आपसमा ठोक्किँदा एक जनाको मृत्यु भएको छ भने अर्का एक जना घाइते भएका छन्।
जिल्ला प्रहरी परिसर काठमाडौँका अनुसार बिहान करिब ३:४० बजे थानकोटबाट कलंकीतर्फ आउँदै गरेको बा ८५ प ४८२२ नम्बरको मोटरसाइकल डिभाइडरमा ठोक्किएपछि अनियन्त्रित भई विपरीत दिशाबाट आइरहेको बा प्र. ०२-०४२ प ९८२२ नम्बरको स्कुटरसँग ठोक्किएको हो।
दुर्घटनामा मोटरसाइकल चालक चन्द्रागिरी नगरपालिका-४, थानकोटका अन्दाजी ३४ वर्षीय रोशन ढकाल गम्भीर घाइते भएका थिए। उनलाई तत्काल उद्धार गरी कलंकीस्थित सहिद मेमोरियल अस्पतालमा पुर्याइएको थियो। अस्पतालमा बिहान ४ बजे चिकित्सकले मृत घोषणा गरेका थिए।
सोही दुर्घटनामा स्कुटरमा सवार धादिङको धुनिवेशी नगरपालिका-९ का २५ वर्षीय विवेक केसी घाइते भएका छन्। उनको पनि सोही अस्पतालमा उपचार भइरहेको छ।
प्रकाशित: २७ असार २०८२ ८:४२
प्रतिक्रिया
