यस्तो छ नेपाल पत्रकार महासंघको निर्वाचन कार्यतालिका

काठमाडौँ- लामो समयपछिको विवादपछि नेपाल पत्रकार महासंघले अधिवेशनको कार्यतालिका सार्वजनिक गरेको छ। केन्द्रीय समितिको निर्वाचन कार्यतालिकाअनुसार मंसिर २१ गते शुक्रबार उम्मेदवार मनोनयन दर्ता हुनेछ। मंसिर २२ गते उम्मेदवारको अन्तिम नामावली सार्वजनिक हुनेछ भने मतदान मंसिर २८ गते बिहान १० बजेदेखि अपराह्न ४ बजेसम्म हुनेछ।

तालिकाअनुसार प्रदेश समितिको मनोनयन मङ्सिर २४ गते जिल्ला शाखा र प्रतिष्ठान शाखाको मङ्सिर २६ गते मनोनयन दर्ता गर्ने गरी व्यवस्था मिलाउनुहुन सम्बन्धित निर्वाचन समितिलाई अनुरोधसमेत गरिएको छ। तालिकाअनुसार मतदानको समय सकिएलगत्तै मतगणना हुने पनि बताइएको छ।