हिमाल प्रेस 
काठमाडौँ- नेपाली सेनाले आइतबार बाढीपहिरोमा फसेका १३७ जनाको उद्धार गरेको छ। सेनाले बाढीपहिरोमा परी विभिन्न ठाउँमा फसेकाहरूलाई हेलिकप्टरबाट उद्धार गरेको हो।
काभ्रेपलाञ्चोकको मंगलटार क्षेत्रबाट १२२, पनौतीबाट ४, तेमाल क्षेत्रबाट ८ र सिन्धुपाल्चोकको चौरीदेउराली तथा दोलालघाटबाट ३ जनाको उद्धार गरिएको सेनाले जनाएको छ।
बिहीबारदेखि लगातार तीन दिनसम्म भएको अविरल वर्षापछि आएको बाढी र पहिरोमा परी हालसम्म १४८ जनाको मृत्यु, ५९ जना बेपत्ता र ६० जना घाइते भएको गृह मन्त्रालयले जनाएको छ।
त्यस्तै बाढी पहिरोमा परेका ३ हजार ३३६ जनाको सकुशल उद्धार गरिएको मन्त्रालयले जनाएको छ।
प्रकाशित: १३ असोज २०८१ १७:३७
प्रतिक्रिया
![४,३८४ जना सैन्य जवान दीक्षित [तस्बिरहरू]](https://himalpress.com/wp-content/uploads/2024/10/Nepali_armay5.jpg)
