गोरखाको धार्चेमा पहिरो खस्दा तीन जना बेपत्ता

काठमाडौँ- गोरखाको धार्चेमा पहिरो खस्दा तीन जना बेपत्ता भएका छन्। उनीहरु एउटै परिवारको भएको बताइएको छ। पहिरोमा पुरिएका अन्य दुई जनालाई भने सकुशल उद्दार गरिएको छ । घटनाको थप विवरण आउन बाँकी छ। स्थानीयका अनुसार आज बिहान करिब तीन बजेतिर खसेको पहिरोले घर र एउटा कृषि फर्मलाई पुरेको हो ।

पहिरोले मानिस पुरिएको सूचना पाउनासाथ खोज तथा उद्दारका लागि सुरक्षाकर्मीको टोली घटनास्थल पठाइसकिएको स्थानीय प्रशासनले जनाएको छ । प्रमुख जिल्ला अधिकारी भोला दाहालले नेपाली सेना , नेपाल प्रहरी र सशस्त्र प्रहरी घटनास्थल पुगेको बताए।