हिमाल प्रेस 
प्रधानमन्त्री दाहाल
काठमाडौँ- प्रधानमन्त्री पुष्पकमल दाहाल प्रचण्डले रुकुमपश्चिमबाट काठमाडौँ आउँदै गरेको यात्रुबाहक बस बाग्लुङको निसीखोलामा दुर्घटनाग्रस्त भई ८ जनाको मृत्यु र २४ जना घाइते भएकोप्रति दुख व्यक्त गरेका छन् ।
उनले सामाजिक सञ्जाल फेसबुकमार्फत दुर्घटनामा ज्यान गुमाउने यात्रुहरूप्रति श्रद्धाञ्जलि अर्पण गर्दै परिवारमा गहिरो समवेदना प्रकट गरेका छन्।
उनले भनेका छन्, ‘घाइतेहरूको शीघ्र स्वास्थ्य लाभको कामना गर्दै उद्धार र उपचारलाई प्रभावकारी बनाउन प्रशासन संयन्त्रलाई निर्देशित गर्दछु ।’
प्रधानमन्त्री दाहाले बारम्बार भइरहेका सवारी दुर्घटनाबाट शिक्षा लिँदै दुर्घटना कम गर्न सकिने उपायहरूसहित आवश्यक योजना निर्माण गर्नसमेत अनुरोध गरेका छन्।
प्रकाशित: ६ चैत २०८० ५:१८
प्रतिक्रिया
