तिहारको टीकाका दिन कति छ तरकारीको मूल्य?

काठमाडौँ- कालीमाटी फलफूल तथा तरकारी बजार विकास समितिले बुधबारका लागि कृषि उपजको थोक मूल्य सार्वजनिक गरेको छ ।

समितिले सार्वजनिक गरेको मूल्यसूचीअनुसार ठूलो गोलभेडाको अधिकतम मूल्य प्रतिकेजी ७० रुपैयाँ छ । यस्तै सानो गोलभेडा (लोकल) ३० रुपैयाँ, रातो आलु ६० रुपैयाँ र सेतो आलु ३२ रुपैयाँ रहेको छ । सुकेको प्याजको मूल्य प्रतिकेजी ९२ रुपैयाँ तोकिएको छ ।

त्यस्तै, लोकल गाजर प्रतिकेजी ९० रुपैयाँ, तराईको गाजर ६० रुपैयाँ, लोकल बन्दा ३० रुपैयाँ, स्थानीय काउली ४० रुपैयाँ र तराईको काउली ३० रुपैयाँ रहेको छ । रातो मूला र सेतो मूला प्रतिकेजी ३० रुपैयाँ छ ।

भन्टा लाम्चो प्रतिकेजी ३५ रुपैयाँ, डल्लो भन्टा ६० रुपैयाँ, बोडी ९० रुपैयाँ, मटरकोशा १३० रुपैयाँ, घिउ सिमी ६० रुपैयाँ र टाटे सिमी ७० रुपैयाँ रहेको छ । तितो करेला प्रतिकेजी ८० रुपैयाँ, लौका ५० रुपैयाँ, परवर ८० रुपैयाँ, चिचिण्डो र घिरौला ४० रुपैयाँ तथा भिण्डी ८० रुपैयाँ रहेको छ ।

हरियो सागसब्जीतर्फ रायो साग प्रतिकेजी ४० रुपैयाँ, पालुङ्गो साग १२० रुपैयाँ, चमसुरको साग १५० रुपैयाँ, तोरीको साग ५० रुपैयाँ र मेथीको साग १५० रुपैयाँ रहेको छ । हरियो प्याजको मूल्य प्रतिकेजी २५० रुपैयाँ छ ।

फलफूलतर्फ फुजी स्याउ प्रतिकेजी ३५० रुपैयाँ, जुम्लाको स्याउ ३०० रुपैयाँ र मुस्ताङको स्याउ २५० रुपैयाँ रहेको छ । नेपाली तथा मालभोग केरा प्रतिदर्जन १५० रुपैयाँ, अनार प्रतिकेजी ३५० रुपैयाँ, नेपाली सुन्तला ८० रुपैयाँ र भारतीय सुन्तला १२० रुपैयाँ रहेको छ ।

त्यस्तै, मौसम र जुनार प्रतिकेजी २०० रुपैयाँ, कागती २५० रुपैयाँ, नासपाती ३०० रुपैयाँ, नेपाली मेवा ६० रुपैयाँ, भारतीय मेवा १०० रुपैयाँ र अम्बा २०० रुपैयाँ रहेको छ । किवी र एभोकाडो प्रतिकेजी ३०० रुपैयाँ तथा ड्रागन फ्रुट ५०० रुपैयाँ रहेको समितिले जनाएको छ ।

मसलाजन्य उपजतर्फ सुकेको खुर्सानी प्रतिकेजी ५६० रुपैयाँ, हरियो अकबरे खुर्सानी २०० रुपैयाँ, हरियो धनियाँ १५० रुपैयाँ र अदुवा १०० रुपैयाँ रहेको छ । सुकेको नेपाली तथा चाइनिज लसुनको मूल्य प्रतिकेजी २६० रुपैयाँ छ ।

च्याउतर्फ कन्य च्याउ प्रतिकेजी ३०० रुपैयाँ, डल्ले च्याउ ६०० रुपैयाँ, राजा च्याउ ३०० रुपैयाँ र सिताके च्याउ एक हजार रुपैयाँ रहेको छ । कुरीलो प्रतिकेजी ८०० रुपैयाँ रहेको समितिले जनाएको छ ।