हिमाल प्रेस 
काठमाडौँ- नेपाली कांग्रेसका पूर्वसभापति शेरबहादुर देउवाले आज कांग्रेसको संस्थापन इतरपक्षको राष्ट्रिय भेलामा आफू हिन्दु भएको घोषणा गरे। उनले आफूले हिन्दु धर्मअनुसार विवाह गरेको र अहिले पनि हिन्दु धर्मालम्बी नै रहेको बताए। उनले हिन्दु हुँदा भन्दा चर्को गडगडावत ताली पड्किएको थियो। उनको घोषणासँगै राप्रपा प्रवक्ता मोहनकुमार श्रेष्ठले हिन्दुराष्ट्रप्रतिको धारणा पनि सार्वजनिक गर्न अनुरोध गरेका छन्।
‘८१ प्रतिशत हिन्दु भएको देशमा हिन्दुले ‘म हिन्दु हॅु’ भन्दा ताली र हुटिङ्ग गर्नुपर्ने दिन आयो गॅाठे १ मान्छेहरुलाई धर्मप्रतिको निष्ठामै शंका रहेछ’ उनले भनेका छन्,‘हिन्दु पहिचानका लागि सगौरव हिन्दुराष्ट्रको कुरा गरिएको हो, तपाई हिन्दु भन्ने त थाहा भयो, हिन्दुराष्ट्रप्रतिको धारणा पनि सार्वजनिक गरियोस् देउवा महोदय।’
कांग्रेसको घोषणापत्रमा धर्म निरपेक्षता लेखिएको कारण नेताहरूले धर्म खुलाएका थिएनन्। तर देउवाले एकाएक हिन्दुको हवला दिँदा उनको चर्चा भइरहेको छ।
