हिमाल प्रेस 
काठमाडौँ। फिफा विश्वकप २०२६ अन्तर्गत आज बिहान सकिएको खेलमा साउदी अरेबिया र उरुग्वेले १–१ गोलको बराबरी खेलेर अंक बाँडेका छन्।
अमेरिकाको मियामी रंगशालामा भएको खेलमा पहिलो हाफमा एक गोलको अग्रता लिएको साउदीले दोस्रो हाफमा कुनै गोल गर्न सकेन।
खेलको ४१ औँ मिनेटमा साउदीका लागि अद्दुलेलाह अल अमिरीले गोल गर्दै खेललाई अग्रता दिलाएका थिए।
तर दोस्रो हाफको ८० औँ मिनेटमा उरुग्वेले गोल गर्दै खेललाई बराबरीमा ल्यायो। उरुग्वेका लागि म्याक्सिमिलिनो अरुजोले गोल गरे।
त्यसपछि दुवै टोलीले अर्को गोल गर्न नसक्दा खेल १–१को बराबरीमै रोकिएको हो। यो खेलबाट दुवै टोलीले समान १ अंक जोडेका छन्।
प्रकाशित: २ असार २०८३ ६:५९ | Tuesday, June 16, 2026
प्रतिक्रिया
