हिमाल प्रेस 
इलाम- इलामको रोङ गाउँपालिका-३ हाँसपोखरीस्थित मेची राजमार्गमा टिपरले मोटरसाइकललाई ठक्कर दिँदा बाबुछोराको मृत्यु भएको छ।
इलामबाट झापातर्फ जाँदै गरेको को १ ख ६४६२ नम्बरको टिपरले विपरीत दिशाबाट आउँदै गरेको प्रदेश १-०३-००१ प १५८५ नम्बरको मोटरसाइकललाई ठक्कर दिएको थियो।
ठक्करबाट गम्भीर घाइते भएका मोटरसाइकल चालक सूर्योदय नगरपालिका- ६ खादीगाउँका ४० का दीर्घ राई र पछाडि सवार उनका बुबा ७० वर्षीय पवनकुमार राईको मृत्यु भएको प्रहरीले जनाएको छ।
उनीहरू दुवैको उपचारको क्रममा बीएन्डसी अस्पतालमा मृत्यु भएको र दुवै जनाको शव सोही अस्पतालमा रहेको प्रहरीले जनाएको छ।
प्रकाशित: १० फागुन २०८१ ९:३५
प्रतिक्रिया
